a25:1, 35:11
b1 Lan 2:55
c35:4, 36:10; 1 Lan 9:26,33, 23:28, 28:12; 2 Lan 31:11; 1 Kho 6:5
d35:4, 36:10; 1 Lan 9:26,33, 23:28, 28:12; 2 Lan 31:11; 1 Kho 6:5
eDute 33:1; Hlu 13:6
f35:4, 36:10; 1 Lan 9:26,33, 23:28, 28:12; 2 Lan 31:11; 1 Kho 6:5
g1 Kho 6:6
h21:1, 29:25, 37:3
i32:7
j52:24; 2 Kho 12:9, 25:18; 1 Lan 9:19
k2 Kho 10:15,23
lEks 20:12; Efe 6:2,3
m46:2; 2 Kho 24:1
n2 Kho 24:2
o2 Kho 24:2
p35:7
q5:3
r2 Lan 36:15
s2 Lan 36:15
t2 Lan 36:15
u2 Kho 17:13
v2 Kho 17:13
w25:6
x34:14
yIsa 50:2
z15:1

Jeremiah 35

Ukulalela kwamaRekabi

1Ilizwi elafika kuJeremiya livela eNkosini ensukwini zikaJehoyakhimi indodana kaJosiya, inkosi yakoJuda, a lisithi: 2Yana endlini yamaRekabi, b ukhulume lawo, uwalethe endlini yeNkosi kwelinye lamakamelo, c uwanathise iwayini. 3Ngasengithatha uJahazaniya, indodana kaJeremiya, indodana kaHabaziniya, labafowabo, lawo wonke amadodana akhe, lendlu yonke yamaRekabi. 4Ngabaletha endlini yeNkosi, ekamelweni lamadodana kaHanani, d indodana kaIgidaliya, umuntu kaNkulunkulu, e elaliseduze lekamelo leziphathamandla, f elalingaphezu g kwekamelo likaMahaseya, h indodana kaShaluma, i umlindimbundu. j 5Ngasengibeka phambi kwamadodana endlu yamaRekabi izimbiza ezigcwele iwayini, lezinkezo, ngathi kibo: Nathani iwayini. 6Kodwa bathi: Kasilinathi iwayini, ngoba uJonadabi, indodana kaRekabi, k ubaba, wasilaya esithi: Linganathi iwayini, lina labantwana benu, kuze kube nininini. 7Njalo lingakhi izindlu, lingahlanyeli inhlanyelo, lingahlanyeli izivini, lingabi lazo; kodwa lihlale emathenteni zonke insuku zenu, ukuze liphile insuku ezinengi ebusweni bomhlaba lapho elihlala khona njengabezizwe. l 8Ngakho salilalela ilizwi likaJonadabi, indodana kaRekabi, ubaba, kukho konke asilaya ngakho, ukuthi singanathi iwayini zonke insuku zethu, thina, omkethu, amadodana ethu, lamadodakazi ethu; 9lokuthi singakhi izindlu zokuhlala kwethu; njalo singabi lesivini kumbe insimu kumbe inhlanyelo; 10kodwa sihlala emathenteni, silalele senze njengakho konke uJonadabi ubaba asilaya khona. 11Kodwa kwathi lapho uNebhukadirezari inkosi yeBhabhiloni m esenyukela elizweni, sathi: Wozani siye eJerusalema ngenxa yebutho lamaKhaladiya n langenxa yebutho lamaSiriya. o Sasesihlala eJerusalema. p

12Laselifika ilizwi leNkosi kuJeremiya lisithi: 13Itsho njalo iNkosi yamabandla, uNkulunkulu kaIsrayeli: Hamba uthi ebantwini bakoJuda lakwabahlali beJerusalema: Kaliyikwemukela yini ukulaywa ukuthi lilalele amazwi ami? q itsho iNkosi. 14Aqiniswa amazwi kaJonadabi, indodana kaRekabi, awalaya abantwana bakhe ukuthi banganathi iwayini; ngoba kabalinathanga kuze kube lamuhla, ngoba bawulalele umlayo kayise. Lami ngikhulumile kini ngivuke ngovivi ngikhuluma, r kodwa kalingilalelanga. 15Futhi ngithume kini zonke inceku zami abaprofethi, s ngivuka ngovivi ngibathuma, t ngisithi: Ake liphenduke, ngulowo lalowo endleleni yakhe embi, u lenze izenzo zenu zibe zinhle, v lingalandeli abanye onkulunkulu ukuthi libakhonze, w ukuze lihlale elizweni engalinika lina laboyihlo. Kodwa kalibekanga indlebe yenu, x kalilalelanga kimi. 16Ngoba amadodana kaJonadabi, indodana kaRekabi, awuqinisile umlayo kayise awalaya wona, kodwa lababantu kabangilaleli, 17ngakho itsho njalo iNkosi, uNkulunkulu wamabandla, uNkulunkulu kaIsrayeli: Khangelani, ngizakwehlisela phezu kukaJuda laphezu kwabakhileyo bonke beJerusalema bonke ububi engibukhulume ngabo; ngoba ngikhulumile kibo, kodwa kabalalelanga, ngibabizile, kodwa kabaphendulanga. y

18Lakuyo indlu yamaRekabi uJeremiya wathi: Itsho njalo iNkosi yamabandla, uNkulunkulu kaIsrayeli: Ngenxa yokuthi lilalele umlayo kaJonadabi uyihlo, lagcina yonke imilayo yakhe, lenza njengakho konke alilaya khona, 19ngakho itsho njalo iNkosi yamabandla, uNkulunkulu kaIsrayeli: Kakuyikuqunywa muntu kuJonadabi indodana kaRekabi oma phambi kwami insuku zonke. z

Copyright information for Ndebele